নিয়মীয়া বাৰ্তা ডিজিটেল, ১৫ নৱেম্বৰঃ জোহান্সবার্গত টি–২০ শৃংখলা দখল কৰাৰ লক্ষ্য লৈছে সূর্য কুমাৰ যাদৱ নেতৃত্বাধীন টীম ইণ্ডিয়াই৷ দক্ষিণ আফ্রিকা আৰু টীম ইণ্ডিয়াৰ মাজৰ চাৰিখনীয়া টি–২০ মেচৰ শৃংখলাটোৰ চতুর্থ তথা নির্ণায়ক মেচখন আজি অনুষ্ঠিত হ’ব৷ ইতিমধ্যে শৃংখলাটোত ২–১ৰ গুৰুত্বপূর্ণ অগ্রগতি লাভ কৰা ভাৰতীয় দলটোৱে আজিৰ মেচত জয়লাভ কৰি শৃংখলা দখলৰ লক্ষ্য লৈছে৷ অৱশ্যে নির্ণায়ক মেচখনৰ পূর্বে ৰিংকু সিঙৰ প্রদর্শনক লৈ কিছু পৰিমাণে চিন্তিত হৈ পৰিছে ভাৰতীয় দলটো৷ বিগত মেচকেইখনত ব্যর্থ হ’লেও আজিৰ মেচখনত ভাৰতীয় দলটোৰ মূল একাদশত স্থান লাভ কৰিব ৰিংকু সিঙে৷ ভৱিষ্যতৰ প্রতি লক্ষ্য ৰাখিয়েই ৰিংকু সিঙক অধিক সুযোগ দিয়াৰ মত পোষণ কৰিছে দলটোৰ অধিনায়ক সূর্য কুমাৰ আৰু ভাৰপ্রাপ্ত প্রশিক্ষক ভি ভি এছ লক্ষ্মণে৷ আজিৰ নির্ণায়ক মেচখনত ভাৰতীয় দলটোৰ মূল একাদশত বিশেষ কোনো সালসলনি নহয় বুলি ব্যক্ত কৰিছে অধিনায়ক সূর্য কুমাৰে৷
খেলৰ সময়ঃ নিশা ৮.৩০ বজা