নিয়মীয়া বাৰ্তা, ১৮ ফেব্ৰুৱাৰীঃ খেলা চলি আছিল। ইয়াৰ মাজতেই ক্ৰিকেটাৰগৰাকী হঠাতে মাটিতে পৰি গ’ল। বছ, ইমানতেই সকলো শেষ। ঘটনাস্থলীতে মৃত্যু ঘটিল এগৰাকী ক্রিকেটাৰৰ।
ক্রিকেট মেচ চলি থাকোতে ইয়াৰ আগতেও মৃত্যুৰ ঘটনা ঘটিছে। কিন্তু সেইবোৰ ঘটনাতকৈ পৃথক আছিল এই ঘটনা। হাৰ্ট এটাকত মৃত্যু হয় ক্ৰিকেটাৰগৰাকীৰ।
মহাৰাষ্ট্রৰ পুনেত কালি ঘটিছে এই ঘটনা। পুনেৰ জুন্নাৰ টেহছিলত চলি থকা খেলখনত ৪৭ বছৰীয়া ক্রিকেটাৰগৰাকীয়ে নন ষ্ট্ৰাইকত থকা অৱস্থাত মাটি ঢলি পৰে।
জানিবলৈ পোৱা মতে ক্রিকেটাৰগৰাকীৰ নাম বাবু নলৱাডে। তেওঁ পুনেৰ স্থানীয় ক্রিকেট জগতত পৰিচিত আছিল। সেই মুহূর্তৰ ভিডিঅ’ ছ’চিয়েল মিডিয়াত ইতিমধ্যে ভাইৰেল হৈছে।