🔹 ব’ৰ্ডাৰ–গাভাস্কাৰ ট্রফী টেষ্ট শৃংখলা
নিউজ ডেস্ক, ১২ নৱেম্বৰ : ২২ নৱেম্বৰৰ পৰা আৰম্ভ হ’ব ব’ৰ্ডাৰ–গাভাস্কাৰ ট্রফী টেষ্ট শৃংখলা৷ পাঁচখনীয়া টেষ্ট মেচৰ শৃংখলাটোত ভাগ লোৱাৰ উদ্দেশ্যে আগতীয়াকৈ অষ্ট্রেলিয়াত উপস্থিত হয় টীম ইণ্ডিয়াৰ তাৰকা বেটাৰ বিৰাট কোহলি৷ দেওবাৰে সন্ধিয়াই পার্থত উপস্থিত হয় কোহলি৷ মন কৰিবলগীয়া যে কোহলিয়েই হ’ল অষ্ট্রেলিয়াত উপস্থিত হোৱা টীম ইণ্ডিয়াৰ প্রথমগৰাকী ক্রিকেটাৰ৷ ইতিমধ্যে দুটা বেচ্চত ভাৰতীয় দলটো অষ্ট্রেলিয়ালৈ ৰাওনা হৈছে আৰু প্রথমটো বেচ্চ পার্থত উপস্থিত হোৱাৰ বিপৰীতে আনটো বেচ্চ কালি নিশা ৰাওনা হয়৷ সমগ্র ভাৰতীয় দলটো আজিৰ ভিতৰত অষ্ট্রেলিয়াত উপস্থিত হ’ব আৰু উক্ত দিনাই অনুশীলনত নামিব মেন ইন ব্লু৷