মই সম্পূৰ্ণ ভাগি পৰিছো, ক’বলৈ মোৰ কোনো শব্দ নাই – বিৰাট কোহলি

মই সম্পূৰ্ণ ভাগি পৰিছো, ক’বলৈ মোৰ কোনো শব্দ নাই –  কোহলি

কালি ৰয়েল চেলেঞ্জাৰ্ছ বাংগালুৰু দলে আই পি এলৰ ট্ৰফী জয় কোহলি কৰি উদযাপন কৰি আছিল যদিও ভিৰ আৰু অপব্যৱস্থাপনাৰ বাবে এম চিন্নাস্বামী ষ্টেডিয়ামৰ বাহিৰত হুলস্থুলীয়া পৰিৱেশৰ সৃষ্টি হয়। ইয়াৰ ফলত ১১জন লোকৰ মৃত্যু হয়। এতিয়া এই বিষয়ত বিৰাট কোহলিৰ প্ৰতিক্ৰিয়া আহিছে।

মঙলবাৰে ১৮ বছৰৰ পাছত প্ৰথমবাৰৰ বাবে আই পি এলৰ ট্ৰফী লাভ কৰে আৰ চি বিয়ে। ৰজত পাটিদাৰৰ অধিনায়কত্বত আৰ চি বিয়ে ফাইনেলত পঞ্জাব কিংছক ৬ ৰাণত পৰাস্ত কৰে। এই বিজয়ৰ পিছত কেৱল বাংগালুৰুতে নহয় দলৰ অনুৰাগী আৰু বিৰাট কোহলিয়ে দেশৰ বিভিন্ন চহৰত উদযাপন কৰে।

ঘটনাটো কি?

কালি এম চিন্নাস্বামী ষ্টেডিয়ামত এই বিজয় উদযাপন কৰা হ’ব বুলি আৰচিবিৰ পৰিচালনা সমিতিয়ে সিদ্ধান্ত লয়। বিৰাট কোহলি আৰু দলটোৱে যেতিয়া ট্ৰফী লৈ বাংগালুৰু পালেগৈ, য’তেই তেওঁলোকৰ বাছখন পাৰ হৈ গ’ল, তাতেই মানুহৰ ভিৰ। ষ্টেডিয়ামলৈ আহিবলৈ টিকট নথকাৰ বাবে তাতো বৃহৎসংখ্যক লোক উপস্থিত হ’ল। এই সময়তে হুলস্থুলীয়া পৰিৱেশৰ সৃষ্টি হয় আৰু ১১জন লোকৰ মৃত্যু হয়।

বিৰাট কোহলিৰ প্ৰতিক্ৰিয়া

বেংগালুৰুত হোৱা হুলস্থুলৰ পিছত আৰচিবিৰ দলৰ আনুষ্ঠানিক বক্তব্য শ্বেয়াৰ কৰি বিৰাট কোহলিয়ে লিখিছে, ‘মই সম্পূৰ্ণৰূপে ছিন্নভিন্ন হৈ পৰিছো, ক’বলৈ মোৰ কোনো শব্দ নাই।

আৰ চি বি দলৰ আনুষ্ঠানিক বিবৃতি

আৰ চি বিয়ে এক বিবৃতি প্ৰকাশ কৰি সংঘটিত হোৱা ভয়াৱহতাত ১১জন লোকৰ মৃত্যুত শোক প্ৰকাশ কৰে। নিজৰ বিবৃতিত লিখিছে, “সংবাদ মাধ্যমৰ বাতৰিৰ জৰিয়তে পোহৰলৈ অহা দুৰ্ভাগ্যজনক পৰিঘটনাবোৰত আমি গভীৰভাৱে দুখী হৈছো। আমাৰ বাবে সকলোৰে সুৰক্ষা আৰু স্বাস্থ্যৰ গুৰুত্ব সৰ্বোচ্চ। প্ৰাণ আৰু সম্পত্তি হেৰুৱাৰ বাবে আৰ চি বিয়ে শোক প্ৰকাশ কৰাৰ লগতে ক্ষতিগ্ৰস্ত পৰিয়ালসমূহলৈ সমবেদনা জ্ঞাপন কৰিছে। পৰিস্থিতিৰ বিষয়ে অৱগত হোৱাৰ লগে লগে আমি আমাৰ সময়সূচী সংশোধন কৰি স্থানীয় ৰাইজৰ নিৰ্দেশনা আৰু পৰামৰ্শ অনুসৰণ কৰিলোঁ। আমি আমাৰ সকলো সমৰ্থকক অনুৰোধ জনাইছো যে অনুগ্ৰহ কৰি সুৰক্ষিত থাকক।”