নিয়মীয়া বাৰ্তা, ২১ আগষ্ট: প্রাণৰ মমতাত কাবুলৰ পৰা এখন মার্কিন বিমানেৰে দেশত্যাগৰ সময়তে প্রাণ হেৰুৱালে আফগানিস্তানৰ এগৰাকী যুৱ ফুটবলাৰে৷ আফগানিস্তান ৰাষ্ট্রীয় য়ুথ দলৰ ফুটবলাৰগৰাকী হ’ল জাকি আনৱাৰী৷ আফগানিস্তান ৰাষ্ট্রীয় ফুটবল দলৰ এটা ফেচবুক পেজত এই সংবাদ প্রকাশ পাইছে৷ তালিবানে হত্যা–হিংসাৰে আফগানিস্তান দখল কৰাৰ পিছত আতংকিত হৈ ১৯ বছৰীয়া আনৱাৰীয়ে এখন মার্কিন বিমানেৰে কাবুলৰ পৰা পলাবলৈ চেষ্টা কৰাৰ সময়তে বিমানৰ পৰা পিছলি পৰি তেওঁৰ মৃত্যু হয়৷
উল্লেখ্য যে প্রাণৰ মমতাত দেশত্যাগ কৰিব বিচাৰি কাবুল বিমানবন্দৰত হাজাৰ হাজাৰ লোকে বিমানত উঠাৰ চেষ্টা চলাওঁতে ইতিমধ্যে প্রায় দহগৰাকী লোকৰ প্রাণ গৈছে৷ ইয়াৰ ভিতৰত অন্যতম হ’ল দেশখনৰ যুৱ ফুটবলাৰ জাকি আনৱাৰী৷