নিয়মীয়া বাৰ্তা, ২৪ মেঃ নগাঁও জিলাৰ চামগুৰি থানাৰ অন্তর্গত সোণাৰিবালি অঞ্চলত স্থানীয় ৰাইজে হায়দৰাবাদৰ পৰা খোজ কাঢ়ি আহি থকা দুজন যুৱকক আটক কৰি কোৱাৰেণ্টাইন কেন্দ্রলৈ প্রেৰণ কৰে৷ জানিব পৰা মতে, মৌন দাস আৰু ৰুহিত মুণ্ডা নামৰ ডিব্রুগডৰ যুৱক দুজনে লকডাউনৰ বাবে উপায়ান্তৰ হৈ হায়দৰাবাদৰ পৰা খোজ কাঢ়ি আহি আছিল৷ তেনে অৱস্থাতে চামগুৰি সোণাৰিবালিৰ স্থানীয় ৰাইজে যুৱকদ্বয়ক আটক কৰি জিলা প্রশাসনৰ লগতে স্বাস্থ্য বিভাগক খবৰ দিয়ে৷ পৰৱর্তী সময়ত চামগুৰি প্রাথমিক স্বাস্থ্য কেন্দ্রৰ লোক উক্ত স্থানত উপস্থিত হৈ যুৱকদ্বয়ক চামগুৰিৰ কাছখাটিস্থিত কোৱাৰেণ্টাইন কেন্দ্রলৈ প্রেৰণ কৰে বুলি জানিব পৰা গৈছে৷ আনহাতে, আজি চামগুৰিত বহিঃৰাজ্যৰ পৰা মুঠ ২০জন লোক উপস্থিত হয়৷ লোকসকলক ক্রমে শালনা বাপুজীত (৯ জন), এছ আই আৰ ডিত (৩ জন), মাল্টি পার্পাছত (১ জন), কাছখাইটিত (২ জন), লাইলুৰিত ৫জনক কোৱাৰেণ্টাইন কৰা হৈছে৷