নিয়মীয়া বাৰ্তা, ২৩ মেঃ কামৰূপ জিলাৰ ছয়গাঁও আৰক্ষী থানাৰ অন্তৰ্গত খৰখৰীত আজি পুৱা প্ৰায় ৮ বজাত এক পথ দুৰ্ঘটনা সংঘটিত হয় । জানিব পৰা মতে, মানকাছাৰৰ পৰা গুৱাহাটী অভিমুখে অহা এ এছ ০১ বি ওৱাই ১৯৯৯ নম্বৰৰ মাহিন্দ্ৰা এক্স ইউ ভি গাড়ীখনে নিয়ন্ত্ৰণ হেৰুৱাই খৰখৰীত এডাল গছত তীব্ৰ জোৰে খুন্দা মৰাৰ ফলত গাড়ীখনত থকা থকা দুজন লোক কিছু পৰিমাণে আহত হয় । আহত লোক দুজনক ততাতৈয়াকৈ ৰাইজৰ সহযোগত ছয়গাঁও আৰক্ষীয়ে ছয়গাঁও প্ৰাথমিক স্বাস্হ্য কেন্দ্ৰলৈ লৈ আহে । আহত লোক দুজন দক্ষিণ শালমাৰা জিলাৰ বালিগাঁৱৰ আব্দুল হালীম আৰু মনিৰুল হুছেইন বুলি জানিব পৰা গৈছে ।