নিয়মীয়া বাৰ্তা ৯ মাৰ্চঃ কোকৰাঝাৰ জিলাৰ অন্তৰ্গত চিথিলা গাঁওস্থিত চিথিলা আঞ্চলিক হৰি মন্দিৰৰ আজি শুভ উদ্বোধন কৰে বিটিআৰৰ স্বাস্থ্য আৰু পৰিয়াল কল্যাণ বিভাগৰ কাৰ্যবাহী সদস্য অৰূপ কুমাৰ দেই । আজিৰ অনুষ্ঠানৰ কাৰ্যসূচী অনুসৰি পুৱা ভাগৱতপাঠ, কীৰ্তন আদি অনুষ্ঠিত কৰে । ইয়াৰ পিছত চিথিলা আঞ্চলিক হৰি মন্দিৰৰ ধূপ দীপ প্ৰজ্বলন কৰি বিভিন্ন মাংগলিক অনুষ্ঠানৰ মাধ্যমে মন্দিৰৰ মূল দুৱাৰৰ শুভ উদ্বোধন কৰাৰ অন্তত এখন মুকলি সভাও অনুষ্ঠিত হয় । উক্ত মুকলি সভাত মূখ্য অতিথি হিচাপে উপস্থিত থাকি ইএম অৰূপ কুমাৰ দেই হৰি মন্দিৰটোৰ উন্নয়নৰ বাবে নাট মন্দিৰো নিৰ্মাণ কৰাৰ ব্যৱস্থা কৰাৰ প্ৰতিশ্ৰুতি প্ৰদান কৰে আৰু সভাখনত বিশিষ্ট অতিথি হিচাপে স্বামী যোগানন্দগিৰি মহাবিদ্যালয়ৰ প্ৰাক্তন অধ্যক্ষ ডঃ পৰেশ চন্দ্ৰ ৰায় , চিথিলা ভিচিডিচিৰ অধ্যক্ষ কনকেশ্বৰ ৰায় আদিয়ে । মুকলি সভাখনত সভাপতিত্ব কৰে মন্দিৰ পৰিচালনা সমিতিৰ সভাপতি বীৰেন্দ্ৰ ৰায় আৰু উদ্দেশ্য ব্যাখ্যা কৰে মদন ৰায়ে ।
প্ৰেৰক কৃষ্ণ বৰ্মন