নিয়মীয়া বাৰ্তা, ২৩ মেঃ মহামাৰী ক’ৰোনাৰ সময়ত দুর্গত লোকসকলৰ কাষত থিয় দিয়াৰ উদ্দেশ্যে শুকুৰবাৰে ‘নিয়মীয়া বার্তা’ কাকতে উজনি অসমৰ কেইবাখনো জিলাৰ কেইবাগৰাকী হকাৰক আর্থিক সাহায্য প্রদান কৰে৷ ‘নিয়মীয়া বার্তা’ কাকত গোষ্ঠীয়ে সময়ে সময়ে আর্তজনক সহায়–সহযোগ কৰি অহাৰ দৰে শুকুৰবাৰে জিলাখনৰ হকাৰসকলক প্রদান কৰে আর্থিক সাহায্য৷
উল্লেখ্য যে ইয়াৰ পূর্বেও ‘নিয়মীয়া বার্তা’ৰ ফালৰ পৰা দুৰাৰোগ্য ৰোগত আক্রান্ত হোৱা হকাৰৰ পৰিয়ালক আর্থিক সাহায্য প্রদান কৰিছিল৷ নিঃসন্দেহে কাকত গোষ্ঠীটোৰ এই পদক্ষেপক সকলোৱে আদৰণি জনোৱাৰ লগতে আগত সময়তো এই ধৰণৰ সাহায্য অব্যাহত ৰখাৰ বাবে আহ্বান জনাইছে৷