নিয়মীয়া বাৰ্তা, ১৪ ফেব্ৰুৱাৰীঃ মৰিগাঁও নগৰৰ নাতিদূৰৰ সুদৰ্শন ৰাজ নামৰ বাৰৰ সমীপৰ পৰা মৰিগাঁও আৰক্ষীয়ে অভিযান চলাই নকল নোটসহ আজি গ্ৰেপ্তাৰ কৰে দুই যুৱক-যুৱতীক। গুৱাহাটীৰ খানাপাৰাৰ পৰা এখন ছুইফট ডিজায়াৰত অহা দুই যুৱক-যুৱতী সুদৰ্শন ৰাজ ধাবাৰ সন্মুখত উপস্থিত হোৱাৰ পিছত পূৰ্বৰ পৰা খাপপিটি থকা আৰক্ষীয়ে আটক কৰে। যুৱকজনৰ নাম জয়নাল উদ্দিন আৰু যুৱতীগৰাকীৰ নাম মফিজা বেগম বুলি জানিব পৰা গৈছে । উল্লেখ্য যে আন এজন যুৱকে পলায়ন কৰিবলৈ সক্ষম হয়। জব্দ হোৱা নকল নোটৰ পৰিমাণ ১,৬২,৫০০ টকা।
প্ৰেৰক প্ৰাঞ্জল দাস