বিশেষ বাৰ্তা, ১৮ফেব্ৰুৱাৰীঃ ভোটযুদ্ধ মানেই এতিয়া ধনবল-বাহুবলৰ খেলা। ২০ ফেব্ৰুৱাৰী, দেওবাৰে বহু প্ৰত্যাশিত উত্তৰপ্ৰদেশ বিধানসভাৰ তৃতীয় পৰ্যায়ৰ নিৰ্বাচনৰ ভোট। ৫৯টা সমষ্টিৰ বাবে হ’বলগীয়া তৃতীয় পৰ্যায়ৰ নিৰ্বাচনত প্ৰতিদ্বন্দ্বিতা আগবঢ়াইছে ৬২৭গৰাকী প্ৰাৰ্থীয়ে। এডিআৰৰ তথ্য় অনুসৰি ৬২৩ গৰাকী প্ৰাৰ্থীৰ ১৩৫ গৰাকী অৰ্থাৎ ২২শতাংশৰ বিৰুদ্ধেই আছে অপৰাধৰ গোচৰ। ইয়াৰে সৰ্বাধিক প্ৰাৰ্থীয়ে সমাজবাদী পাৰ্টীৰ। আনহাতে, ৬২৩ প্ৰাৰ্থীৰ ২৪৫ গৰাকীয়ে অৰ্থাৎ ৩৯শতাংশই কোটিপতি। ইয়াৰে সৰহভাগ প্ৰাৰ্থীয়ে সমাজবাদী পাৰ্টীৰ। উল্লেখনীয় যে, তৃতীয় পৰ্যায়ত প্ৰতিদ্বন্দ্বিতাত নমা প্ৰাৰ্থীসকলৰ ১৫ শতাংশ অৰ্থাৎ ৯৬গৰাকী মহিলা।