নিয়মীয়া বাৰ্তা, ১৯ মাৰ্চঃ ভয়াৱহ অর্থনৈতিক সংকটৰ মাজত ইৰানৰ বহু নাৰীয়ে জীয়াই থকাৰ সম্বল হিচাপে গ্রহণ কৰিবলগীয়া হৈছে গণিকা বৃত্তি৷ বহু শিক্ষিত ইৰানী মহিলাই এতিয়া উপার্জনৰ পথ হিচাপে পতিতা বৃত্তিক আদৰি লৈছে৷
শেহতীয়াকৈ বিবিচিৰ এক প্রতিবেদনত পোহৰলৈ আহিছে এই তথ্য৷ নেডা নামৰ তেহৰানৰ বাসিন্দা বিবাহ বিচ্ছেদ ঘটা মহিলাগৰাকীয়ে উল্লেখ কৰিছে যে পেছাত হেয়াৰ ড্রেছাৰৰ কাম কৰি তেওঁ নিজৰ সন্তানক পোহপাল দিব নোৱাৰে৷ গতিকে নিশা পতিতা হিচাপে দ্বিতীয়টো বৃত্তিত মনোনিৱেশ কৰিবলগীয়া হয়৷ কিছু ধনৰ বাবে প্রতিনিশা দেহ বিক্রী কৰিবলগীয়া হৈছে নেডাই৷
এয়া অকল নেডাৰ কাহিনী নহয়৷ অর্থনৈতিক সংকটে জুৰুলা কৰিছে ইৰানৰ নাৰী সমাজক৷ গতিকে পতিতা বৃত্তিৰ বিৰুদ্ধে চৰকাৰে কঠোৰ ব্যৱস্থা গ্রহণ কৰি আহিছে যদিও দেশখনত প্রতিদিনে বৃদ্ধি পাইছে এই বৃত্তিত নিয়োজত মহিলাৰ সংখ্যা৷