নিয়মীয়া বাৰ্তা, বালিপৰা, ৩১ মাৰ্চঃ শোণিতপুৰৰ বালিপৰা খণ্ড প্ৰাথমিক শিক্ষা বিষয়া কাৰ্যালয়ৰ অধীনৰ চাৰিদুৱাৰ চৰকাৰী নেভিল মধ্য ইংৰাজী বিদ্যালয়ত আজি বিজ্ঞান আৰু গণিত বিষয়ক দুখনকৈ প্ৰাচীৰ পত্ৰিকা শুভ উন্মোচন কৰা হয়। বিজ্ঞান বিষয়ক তথা “পোহৰ” শীৰ্ষক প্ৰাচীৰ পত্ৰিকাখন মুকলি কৰে বালিপৰা শিক্ষাখণ্ডৰ বিদ্যালয়সমূহৰ সহঃ পৰিদৰ্শক ৰঞ্জন কুমাৰ দাসে। লগতে গণিত বিষয়ক প্ৰাচীৰ পত্ৰিকাখন উন্মোচন কৰে বালিপৰা শিক্ষাখণ্ডৰ শিক্ষক প্ৰশিক্ষণৰ খণ্ড সমল ব্যক্তি মনেশ্বৰ বড়োয়ে। অনুষ্ঠান আঁত ধৰে শিক্ষক ফণীধৰ দাসে। উপস্থিত থাকে বিদ্যালয়খনৰ প্ৰধান শিক্ষয়িত্ৰী বনজা বুজৰ বৰুৱাৰ লগতে সমূহ শিক্ষাগুৰু, ৰাইজ, বিদ্যালয় পৰিচালনা সমিতিৰ বিষয়ববীয়া, অভিভাৱকসকল উপস্থিত থাকে।