নিয়মীয়া বাৰ্তা, ৩১ মাৰ্চঃ আজি কামৰূপ জিলাৰ গৌৰৱময় প্ৰতিষ্ঠা দিৱস, সেইমৰ্মে জিলা প্ৰশাসনৰ নিৰ্দেশ অনুসৰি জিলাৰ অন্যান্য প্ৰান্তৰ দৰে নগৰবেৰাতো ৰাজহ চক্ৰ বিষয়া কাৰ্যালয়ত পুৱাৰ ভাগত চাইকেল ৰেলী ,শপত বাক্য পাঠ আৰু চাফাই কাৰ্যসূচী গ্ৰহণ কৰা হয় |ৰাজহ চক্ৰ বিষয়া তথা কাৰ্যবাহী দণ্ডাধীশ বনশ্ৰী মালাকাৰে শুভাৰম্ভ কৰা চাইকেল ৰেলী প্ৰতিকুল বতৰৰ বাবে কিছু অসুবিধা হয় যদিও সুকলমে সম্পন্ন হয় | চাইকেল ৰেলীত ৰাজহ চক্ৰ বিষয়া কাৰ্যালয়ৰ কৰ্মচাৰী, গাঁৱৰ গাঁওবুঢ়াসকলৰ লগতে ভালেসংখ্যক স্থানীয় বিমলা প্ৰসাদ চলিহা মহাবিদ্যালয়ৰ শিক্ষাৰ্থীয়েও ভাগ লয় |আনহাতে চাইকেল ৰেলীৰ অন্তত ৰাজহ চক্ৰ বিষয়া বনশ্ৰী মালাকাৰে কাৰ্যালয়ৰ প্ৰতিগৰাকী বিষয়া-কৰ্মচাৰীৰ লগতে গাঁওবুঢ়া সকলক নিষ্ঠা আৰু সততাৰ শপত বাক্য পাঠ কৰোৱায় আৰু কাৰ্যালয় চৌহদত এক চাফাই কাৰ্যসূচী সম্পন্ন কৰে |মুঠতে নগৰবেৰাত আজি সুকলমে সম্পন্ন হয় জিলা প্ৰতিষ্ঠাৰ গৌৰৱময় উদযাপন |
প্ৰেৰক সঞ্জীৱ কুমাৰ দাস