নিয়মীয়া বাৰ্তা, ১৫ এপ্ৰিলঃ ৰঙালী বিহুৰ প্ৰথম দিনাখনে অসম সাহিত্য সভাৰ নিৰ্দেশ মৰ্মে ভোটেপোৱাবড়ী শাখা সমিতিৰ উদ্যোগত “নিজৰ দিন” উপলক্ষে অঞ্চলটোৰ তিনিগৰাকী বয়োজ্যেষ্ঠ ব্যক্তিক সম্বৰ্ধনা ও ওলগনি পত্ৰ প্ৰদান কৰে । প্ৰথমে ভোটেপোৱা বড়ী গাওঁৰ নিবাসী তথা মাজৰমাখা প্ৰাথমিক বিদ্যালয়ৰ অৱসৰপ্ৰাপ্ত প্ৰধান শিক্ষক নগেন্দ্ৰ নাথ দাসক নিজ গৃহত শাখা সমিতিৰ ফালৰ পৰা ফুলাম গামোছাৰে সম্বৰ্ধনা জ্ঞাপন কৰাৰ লগতে ওলগনি পত্ৰ প্ৰদান কৰে ।তাৰ পিছত ক্ৰমে সস্তৰ গাওঁৰ নিবাসী তথা বৰসীধনী মজলীয়া বিদ্যালয়ৰ অৱসৰপ্ৰাপ্ত প্ৰধান শিক্ষক কণ্ঠিৰাম ডেকা আৰু নতুন বৰলা গাওঁ নিবাসী তথা ভ্ৰাম্যমাণ থিয়েটাৰৰ অভিনেতা হেমেন শৰ্মাক সম্বৰ্ধনা ও ওলগনি পত্ৰ প্ৰদান কৰে ।উক্ত অনুস্থানটোত ভোটেপোৱা বড়ী শাখা সমিতিৰ কৰ্মকৰ্তা ক্ৰমে বসন্ত কলিতা , মনোৰঞ্জন দাস ,কমলেশ্বৰ দাস ,ৰাহুল কলিতা ,কল্যাণ শৰ্মা, গুঞ্জন দাস আৰু দ্বীপজ্যোতি কলিতা উপস্থিত থাকে ।
প্ৰেৰক –দিগন্ত দাস , জালাহ