নিয়মীয়া বাৰ্তা , ২৩ এপ্ৰিলঃ শোণিতপুৰৰ চাৰিদুৱাৰস্থিত নেভিল উচ্চতৰ মাধ্যমিক বিদ্যালয়ত (পূৰ্বৰ চাৰিদুৱাৰ উচ্চতৰ মাধ্যমিক বিদ্যালয় ) আজি বিদ্যালয় কৰ্তৃপক্ষৰ উদ্যোগত অনুষ্ঠিত কৰা হয় ৰঙালী উৎসৱ । বিদ্যালয়খনৰ অধ্যক্ষ ৰাজেশ দত্তই শুভ উদ্বোধন কৰা অনুষ্ঠানটোৰ লগত সংগতি ৰাখি ছাত্ৰ-ছাত্ৰীসকলে বিহু নৃত্যৰ লগতে বিভিন্ন জনগোষ্ঠীয় নৃত্য প্ৰদৰ্শন কৰে। অনুষ্ঠানত কেইবাগৰাকীও শিক্ষাগুৰুৱে বিহুৰ তাৎপৰ্য সন্দৰ্ভত চমু মন্তব্য আগবঢ়ায়। অনুষ্ঠানত বিদ্যালয়খনৰ সমূহ শিক্ষক-শিক্ষয়িত্ৰীসকলে সক্ৰিয় সহযোগিতা আগবঢ়ায় ।
প্ৰেৰক প্ৰাঞ্জল বৰা