নিয়মীয়া বাৰ্তা, ১৬ মে’: নগাঁও আৰক্ষীয়ে গোপন সূত্ৰৰ পম খেদি যোৱা নিশা নকল সোণৰ নাও আৰু নকল সোণৰ মূৰ্তি সহ এজন লোকক গ্ৰেপ্তাৰ কৰিবলৈ সক্ষম হয়।নগাঁৱৰ জাজৰি আৰক্ষী থানাৰ ভাৰপ্ৰাপ্ত বিষয়া আভা জ্যোতি ৰাভাৰ নেতৃত্বত নগাঁও নগৰ আৰক্ষীৰ ভাৰপ্ৰাপ্ত বিষয়া অচ্যুত ফুকন আৰু ননৈ আৰক্ষী চকীৰ ভাৰপ্ৰাপ্ত বিষয়া বাবুল বৰাৰ সহযোগত আৰক্ষীয়ে নগাঁও সদৰ আৰক্ষী থানাৰ অন্তৰ্গত পাথৰি কাটনি গাৱত গোপন খবৰৰ ভিত্তিত নকল সোণৰ বিৰুদ্ধে অভিযান চলাই। আৰক্ষীয়ে এই অভিযানৰ সময়ত কাটনি গাঁৱৰ ম:মুখলেছুৰ ৰহমান নামৰ নকল সোণৰ ব্যবসায়ী জনক গ্ৰেপ্তাৰ কৰে। আৰক্ষীয়ে অভিযানৰ সময়ত এখন নকল সোণৰ নাও আৰু এটা নকল সোণৰ মূৰ্তি উদ্ধাৰ কৰিবলৈ সক্ষম হয়।অধিক তথ্য আহৰণৰ বাবে আৰক্ষীয়ে মূখলেছুৰক জেৰা অব্যাহত ৰাখিছ।