বিশেষ বাৰ্তা, ১০ জুনঃ টেলিভিছনৰ বিজ্ঞাপনত লিঅ’নেল মেছিক বহুবাৰ অভিনয় কৰা দেখা গৈছে। কিন্তু চেলুলয়ডত এই প্রথমবাৰ অভিনেতা হিচাপে আত্মপ্রকাশ ঘটিল আর্জেন্টিনাৰ ফুটবল যাদুকৰৰ। আর্জেন্টিনাৰ জনপ্রিয় টিভি ছিৰিজ ‘লছ প্রটেক্টৰছ’-ৰ দ্বিতীয় ছিজনত অতিথি অভিনেতা হিচাপে অভিনয় কৰিছে মেছিয়ে। তেওঁৰ অভিনয় দেখি দৰ্শক অবাক হৈছে। আর্জেন্টিনাৰ মানুহে মেছিৰ অভিনয়ক সুন্দৰকৈ গ্রহণ কৰিছে। মেছিৰ অভিনয়ৰ ক্ষুদ্ৰ এটি ক্লিপ প্রকাশ কৰিছে ষ্টাৰ প্লাছ এলএ। গোটেই ভিডিঅ’টো উপভোগ কৰিবলৈ অপেক্ষা কৰিব লাগিব ২০২৩ চন পর্যন্ত। ‘লছ প্রটেক্টৰছ’ৰ দ্বিতীয় ছিজনৰ বেছিভাগ শ্বুটিং হৈছে আর্জেন্টিনাৰ বুয়েনছ আয়াৰছ আৰু ফ্রান্সৰ পেৰিছ চহৰত। এই টিভি ছিৰিজৰ যোগেদিয়েই প্রথমবাৰলৈ অভিনয় কৰিলে মেছিয়ে। মেছিক এই ছিৰিজৰ বিশেষ অতিথি হিচাপে উল্লেখ কৰা হৈছে।
সবাতোকৈ প্রাসংগিক বিষয়টো হ’ল মেছিৰ সুবিধাৰ বাবে শ্বুটিং কৰা হৈছে পেৰিছত, কাৰণ তেওঁ পিএছজি-ত খেলি আছিল। যেতিয়া তেওঁ বুয়েনছ আয়াৰছৰ ৰোজাৰিঅ’ গাওঁলৈ গৈছিল, সেইসময়তো শ্বুটিং কৰা হৈছিল।