নিয়মীয়া বাৰ্তা, ২৬জুলাই: গুগলৰ প্রতিষ্ঠাতা ছের্গেই ব্রিনৰ পত্নী নিকল ছানাহানৰ সৈতে অবৈধ প্রণয়ৰ সম্পর্ক গঢ়ি তুলিছে ধনকুবেৰ এলন মাস্কে৷ কালি ছ’চিয়েল মিডিয়াত এই খবৰ প্রকাশ পোৱাৰ লগে লগে বিশ্বজুৰি সৃষ্টি হয় চাঞ্চল্য৷ নেট মাধ্যমত ভাইৰেল হোৱা খবৰ অনুসৰি ছানাহানৰ সৈতে এলন মাস্কৰ এই সম্পর্কৰ বাবেই পত্নীৰ সৈতে বিবাহ বিচ্ছেদ বিচাৰিছে ব্রিনে৷ ইয়াৰ উপৰি মাস্কৰ কোম্পানী টেছলাৰ পৰা সমস্ত শ্বেয়াৰ বিক্রী কৰি দিয়াৰ নির্দেশো দিছে ব্রিনে৷ ইফালে, এই বিষয়টোক লৈ নেট দুনিয়া উত্তপ্ত হৈ থকাৰ সময়তে টুইটাৰত সৰৱ হৈছে মাস্ক৷ ধনকুবেৰ মাস্কে টুইটাৰত উল্লেখ কৰিছে যে নিকল ছানাহানৰ সৈতে বন্ধুত্বৰ বাহিৰে অন্য কোনো সম্পর্ক নাই তেওঁৰ৷ লক্ষণীয়ভাৱে বিষয়টো সন্দর্ভত নিকল বা ব্রিনে এতিয়ালৈকে কোনোধৰণৰ প্রতিক্রিয়া সংবাদ মাধ্যমৰ আগত দিয়া নাই৷