নিয়মীয়া বাৰ্তা ৩ ফেব্ৰুৱাৰীঃ কাশ্মীৰ উপত্যকাৰ বাহিৰলৈ সন্ত্রাসবাদী সৰবৰাহৰ গোচৰত গ্রেপ্তাৰ হোৱা জম্মু–কাশ্মীৰ আৰক্ষীৰ উপ–ধীক্ষক দেৱিন্দৰ সিঙৰ গোচৰ সন্দর্ভত ৰাষ্ট্রীয় অনুসন্ধান সংস্থা (নিয়া)ই দেওবাৰে বিভিন্ন স্থানত তালাচী চলাইছে৷ দক্ষিণ কাশ্মীৰৰ কেইবাটাও স্থানত নিয়াৰ তদন্তকাৰী বিষয়াই পৃথক পৃথক গোটত ভাগ হৈ এইদৰে তালাচী চলোৱা বুলি তদন্তকাৰী সংস্থাটোৰ এগৰাকী জ্যেষ্ঠ বিষয়াই সংবাদ মাধ্যমক জানিবলৈ দিছে৷
উল্লেখনীয় যে কেবাটাও ব্যক্তিগত প্রতিষ্ঠানৰ কার্যালয় আৰু দক্ষিণ কাশ্মীৰৰ বহুকেইগৰাকী সন্দেহজনক লোকৰ বাসস্থানত সংস্থাটোৱে তালাচী চলাইছে যদিও ইয়াৰ সবিশেষ তথ্য সংবাদ মাধ্যমক জানিবলৈ দিয়া নাই৷