নিয়মীয়া বাৰ্তা, ১৭ নৱেম্বৰ : মৰিগাঁৱৰ লাহৰীঘাটৰ গৰৈমাৰীত কালি নিশা আৰক্ষীয়ে অভিযান চলাই গঁড়ৰ এটা নকল খৰ্গ আৰু মেথোনৰ তিনিটা শিংসহ এজনক গ্ৰেপ্তাৰ কৰে। ধৃত লোকজনৰ নাম নুৰ মহম্মদ। উল্লেখযোগ্য যে লাহৰীঘাটৰ বৰছলা আৰক্ষী চকীৰ অন্তৰ্গত গৰৈমাৰী অঞ্চলৰ লাহৰীপামৰ নুৰ মহম্মদ নামৰ লোকজনক এক গোপন খবৰৰ ভিত্তিত মৰিগাঁও আৰু বৰছলাৰ আৰক্ষীয়ে অভিযান চলাই কালি নিশা গৰৈমাৰীত গ্ৰেপ্তাৰ কৰিবলৈ সক্ষম হয়।ইফালে লোকজনৰ কবলৰ পৰা অভিযানকাৰী আৰক্ষীৰ দলটোয়ে এটা গঁড়ৰ খৰ্গ আৰু মেথোনৰ তিনিটা শিং উদ্ধাৰ কৰে।পিছত অৱশ্যে গঁড়ৰ খৰ্গটো নকল বুলি চিনাক্ত হয় আৰু এই সন্দৰ্ভত আৰক্ষীয়ে নিজৰ জিম্মাৎ ৰাখি লোকজনক সোধপোচ অব্যাহত ৰাখে বুলি জানিব পৰা গৈছে।
প্ৰেৰক আবুল কালাম