নিয়মীয়া বাৰ্তা, ৮ এপ্ৰিল : মৰিগাঁৱৰ ভূৰাগাঁৱত সংঘটিত হয় এক বিধ্বংসী আগ্নিকাণ্ড। যোৱানিশা ভূৰাগাঁও থানাৰ অন্তৰ্গত ১নং বটালিমাৰীত সংঘটিত হয় এই ভয়ংকৰ অগ্নিকাণ্ড। এই অগ্নিকাণ্ডত জামাল উদ্দিন নামৰ লোকজনৰ পৰিয়ালৰ ৫টাকৈ বাসগৃহ সম্পূৰ্ণ ৰূপে ভস্মীভূত হয়। অগ্নিকাণ্ডৰ ফলত পৰিয়ালটোৰ লক্ষাধিক টকাৰ ক্ষয়ক্ষতি হয় বুলি জানিব পৰা গৈছে। স্হানীয় ৰাইজ আৰু অগ্নিনিবাপক বাহিনীৰ তৎপৰতাত জুই নুমোৱাবলৈ সক্ষম হোৱাত অধিক ক্ষয়ক্ষতিৰ পৰা ৰক্ষা পৰে। বিদ্যুৎৰ শ্বট চাৰ্কিটৰ ফলত জুইৰ সুত্ৰপাত হোৱা বুলি সন্দেহ কৰা হৈছে।
প্ৰেৰক আবুল কালাম