নিয়মীয়া বাৰ্তা, ১৯ এপ্ৰিল : মৰিগাঁৱৰ লাহৰীঘাট-মৰিগাঁও সমষ্টিৰ সীমান্তৱৰ্তী দীঘলবড়িত আজি আবেলি সংঘটিত হয় এক ভয়ংকৰ পথ দুৰ্ঘটনা। মৰিগাঁৱৰ পৰা লাহৰীঘাটৰ কুশতলিৰ অভিমুখে গৈ থকা এ এছ ২১ চি ২২২৬ নম্বৰৰ যাত্ৰীবাহী মেজিক গাড়ীখন পথৰ পৰা নিয়ন্ত্ৰণ হেৰুৱাই পথৰ দাঁতিত পৰি দুৰ্ঘটনাত পতিত হয়। দুৰ্ঘটনাটোত পুৰুষ-মহিলাসহ ৭গৰাকীকৈ যাত্ৰী গুৰুতৰভাৱে আহত হয়। আহত যাত্ৰীসকলৰ ঘৰ বৰিবন্ধা, লাউভূৰুঙ্গা আদিকে ধৰি কুশতলি অঞ্চলৰ বুলি জানিব পৰা গৈছে। পিছত আহত যাত্ৰীসকলক ১০৮ সেৱাৰ যোগে স্থানীয় লোকে মৰিগাঁও অসামৰিক চিকিৎসালয়লৈ পঠিয়াই দিয়ে। ইফালে দুৰ্ঘটনাটো সংঘটিত কৰিয়েই পলায়ন কৰে মেজিকখনৰ চালকজন। অভিযোগ মতে, মৰিগাঁৱৰ পৰা কুশতলিলৈকে যাত্ৰী কঢ়িয়াই লৈ যোৱা যাত্ৰীবাহী মেজিকখনৰ চালকজন নিচাসক্ত আছিল বুলি যাত্ৰীসকলে অভিযোগ তুলিছে।
প্ৰেৰক আবুল কালাম