নিয়মীয়া বাৰ্তা, ২২ জুনঃ শোণিতপুৰৰ ৰঙাপৰা বিধানসভা সমষ্টিৰ সোণাবিলত আজি সোণাবিল চাহ বাগিচা আদৰ্শ বিদ্যালয়ৰ শুভ উদ্বোধন কৰে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই । তেওঁক সংগ দিয়ে মন্ত্ৰী অশোক সিংহল, সাংসদ পল্লৱলোচন দাস, জিলা উপায়ুক্ত দেৱ কুমাৰ মিশ্ৰ, ৰঙাপৰাৰ বিধায়ক কৃষ্ণ কমল তাঁতীয়ে । মুখ্যমন্ত্ৰীগৰাকীয়ে বিদ্যালয়খন উদ্বোধন কৰি বিদ্যালয়ৰ সমীপৰ মালিজান খেলপথাৰত এখন বিশাল জনসভাতো অংশগ্ৰহণ কৰে । আনহাতে, উদ্বোধন কৰা বিদ্যালয়খনৰ শ্ৰেণীকোঠাত প্ৰৱেশ কৰি ছাত্ৰ-ছাত্ৰীৰে মত বিনিময় কৰে মুখ্যমন্ত্ৰীগৰাকীয়ে ।
প্ৰেৰক প্ৰাঞ্জল প্ৰতিম