নিয়মীয়া বাৰ্তা, ১৪ জুলাই : অহা নৱেম্বৰত তিনিদিনীয়া বৰ্ণিল কাৰ্যসূচীৰে অনুষ্ঠিত হ’ব ঢকুৱাখনা মহকুমাৰ অগ্ৰণী উচ্চ শিক্ষাৰ অনুষ্ঠান হাৰ্হি মহাবিদ্যালয়ৰ ৰূপালী জয়ন্তী মহোৎসৱ। ৯ নৱেম্বৰৰ পৰা উদযাপন হ’বলগীয়া ৰূপালী জয়ন্তী মহোৎসৱ অনুষ্ঠানটিৰ সৰ্বাংগীণ সফলতাৰ লক্ষ্যৰে প্ৰাক্তন ছাত্ৰ-ছাত্ৰীসকলৰ সক্ৰিয় অংশগ্ৰহণ নিশ্চিত কৰিবলৈ ইতিমধ্যে হাৰ্হি মহাবিদ্যালয়ৰ প্ৰাক্তন ছাত্ৰ সন্মিলনীয়ে পদক্ষেপ গ্ৰহণ কৰিছে । সেই অনুসৰি অনুষ্ঠানটিৰ সমগ্ৰ ৰূপৰেখা প্ৰস্তুত তথা আলোচনা কৰাৰ বাবে অহা ২৩ জুলাইত দিনৰ ১১ বজাত হাৰ্হি মহাবিদ্যালয়ৰ প্ৰেক্ষাগৃহত এখনি সাধাৰণ সভাৰ আয়োজন কৰা হৈছে। উক্ত সভাত হাৰ্হি মহাবিদ্যালয়ৰ সমূহ প্ৰাক্তন শিক্ষাৰ্থীৰ উপস্থিতিৰ বাবে সন্মিলনীৰ সভাপতি সঞ্জয় দে আৰু সাধাৰণ সম্পাদক পবিত্ৰ বৰুৱাই আহ্বান জনাইছে। সবিশেষ জানিবৰ বাবে ৯৪৩৫৬-৮০৬২৪ আৰু ৯৪০১৬-৬৪৯৯৫ নম্বৰত যোগাযোগ কৰিব পাৰিব বুলিও সন্মিলনীৰ সভাপতি-সম্পাদকে জনাইছে।
প্ৰেৰক পুলকজ্যোতি বৰা