মহানগৰ বাৰ্তা, ১৬ জুলাই : অসম ৰুফিং প্ৰাইভেট লিমিটেডৰ অৰ্থসাহায্যত নিৰ্মাণ কৰি উলিওৱা বোন্দা আঞ্চলিক মহাবিদ্যালয়ৰ নৱনিৰ্মিত দুটাকৈ শ্ৰেণীকোঠা আজি উদ্বোধন কৰা হয়।নৱনিৰ্মিত শ্ৰেণীকোঠা দুটা আনুষ্ঠানিকভাৱে আজি উদ্বোধন কৰে লায়ন্স ক্লাবৰ পাষ্ট ইণ্টাৰনেচনেল ডিৰেক্টৰ লায়ন অৰুণা অভে অচোৱালে। শ্ৰেণীকোঠা দুটা উদ্বোধন কৰাৰ পিছত এখন সভা অনুষ্ঠিত হয়। এই সভাত অসম ৰুফিং প্ৰাইভেট লিমিটেডৰ জন সম্পৰ্কৰক্ষী বিষয়া অৰুণিমা দেৱীৰ উপৰি আনন্দ ডুবে, এ কে ঝা আৰু গুৱাহাটী লায়ন্স ক্লাবৰ সভাপতি অজয় পোদ্দাৰ, ডিষ্ট্ৰিক্ত গভৰ্ণৰ নিৰ্মল ভোৰা, ভাইচ ডিষ্ট্ৰিক্ত গভৰ্ণৰ সীমা গোৱেংকাৰ লগতে মহাবিদ্যালয়ৰ অধ্যক্ষ অৰুণিমা বৰা গোহাঁইকে ধৰি ছাত্ৰ-ছাত্ৰী আৰু শিক্ষকসকল উপস্থিত থাকে। উল্লেখ্য যে এই শ্ৰেণীকোঠা দুটা ‘অঞ্চল’ নামৰ প্ৰকল্পৰ জৰিয়তে গুৱাহাটী লায়ন্স ক্লাবৰ তত্ত্বাৱধানত নিৰ্মাণ কৰা হৈছে।
প্ৰেৰক বিভাষ দাস