নিয়মীয়া বাৰ্তা, ৩০ ছেপ্টেম্বৰ : কোকৰাঝাৰ জিলাৰ ফকিৰাগ্ৰাম থানাৰ অন্তৰ্গত চিথিলা টুমপাৰা গাঁৱৰ জ্ঞানেন ৰায়ৰ পত্নী অণিমা ৰায় ( ৪০) নামৰ এগৰাকী মহিলাৰ বজ্ৰপাতত মৃত্যুৰ বাতৰিয়ে অঞ্চলজুৰি শোকৰ ছাঁ পেলাইছে । প্ৰাপ্ত বাতৰি অনুসৰি, আজি দুপৰীয়া ১২.৩০ মান বজাত বজ্ৰ ঘৰৰ চোতালত পৰাৰ লগে লগে অণিমা ৰায়ৰ লগতে কন্যা যশোদা ৰায় ( ১৮ ) আহত হয় । দোতমা চিকিৎসালয়লৈ লৈ যায় যদিও চিকিৎসকে অণিমা ৰায়ক মৃত বুলি ঘোষণা কৰে। ইপিনে, মৃত্যুৰ বাতৰি বিয়পি পৰাৰ লগে লগে ঘটনাস্থলীত চিথিলা আৰক্ষী উপস্থিত হয় আৰু মৃত অণিমা ৰায়ৰ নশ্বৰ দেহ মৰণোত্তৰ পৰীক্ষাৰ বাবে কোকৰাঝাৰলৈ প্ৰেৰণ কৰে। উল্লেখ্য যে গাঁওখনত কেইবাজনো আজিৰ বজ্ৰপাতত আহত হৈছে ।
প্ৰেৰক কৃষ্ণ বৰ্মন