বিশেষ বাৰ্তা, ৪ অক্টোবৰঃ চলি আছে এছিয়ান গেমছ। বিপৰীতে অসমতো চলি আছে আন এখন বিশেষ প্ৰতিযোগিতা। যিখন প্ৰতিযোগিতাই হৈছে ভিজিলেঞ্চৰ হাতত হাত দঙা। লক্ষ্য ঘোচ লোৱা। যোৱা কেইবাটাও দিনত ভিজিলেঞ্চৰ জালত পৰিছে বহু চৰকাৰী কৰ্মচাৰী। বাদ পৰি ৰোৱা নাই পুলিচো। চৰকাৰী কৰ্মচাৰীৰ এই লুভীয়া মনোবৃত্তিক লৈ কঠোৰ ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাও। আজিও ঘোচ লৈহে হাত দাঙে এগৰাকী চৰকাৰী কৰ্মচাৰীয়ে। নলবাৰীৰ জনস্বাস্থ্য কাৰিকৰী বিভাগৰ কাৰ্যবাহী অভিযন্তা কাৰ্যালয়ৰ কনিষ্ঠ সহায়ক জুনু কলিতাক হাতে-লোটে গ্ৰেপ্তাৰ কৰে ভিজিলেঞ্চে।