নিয়মীয়া বাৰ্তা, ৫ নৱেম্বৰ : ‘ইয়ং ষ্টাৰ ক্লাৱ’ৰ উদ্যোগত ঢকুৱাখনা বালিকা জ্যেষ্ঠ মাধ্যমিক বিদ্যালয়ৰ খেলপথাৰত শনিবাৰে সন্ধিয়াৰে পৰা আজি পুৱাৰ ভাগলৈ দিবা-নৈশ ভলীবল প্ৰতিযোগিতাখন অনুস্থিত হৈ যায় ৷ অসম পুলিচ, চিৰাং, সৰভোগ, ডিব্ৰুগড়, যোৰহাট, মৰাণ আদি অসমৰ বহুকেইটা দলে অংশ লোৱা ভলীবল প্ৰতিযোগিতাৰ চূড়ান্ত খেলত অসম পুলিচ দলে চিৰাং দলক পৰাস্ত কৰি চেম্পিয়ন খিতাপ দখল কৰিবলৈ সক্ষম হয়। খেলখনত শ্ৰেষ্ঠ খেলুৱৈ হিচাপে চিৰাং দলৰ অমৃত কুমাৰ ৰয়, শ্ৰেষ্ঠ লিফ্টাৰ হিচাপে অসম পুলিচ দলৰ কৰিম আলী আৰু শ্ৰেষ্ঠ স্মেচাৰ হিচাপে ইয়ং ষ্টাৰ ক্লাবৰ প্ৰশান্ত কুমাৰ ভূঞা নিৰ্বাচিত হয়।
প্ৰেৰক ৰাজেশ বুঢ়াগোহাঞি