নিয়মীয়া বার্তা, ৩ জানুৱাৰীঃ পশ্চিম নলবাৰী অঞ্চলৰ চামতাত আজি ভয়ংকৰ পথ দুৰ্ঘটনা সংঘটিত হয়। ঘটনাৰ বিবৰণী মতে পুৱা চামতা কৈঠালকুছি পথৰ বিষ্ণু জ্যোতি একাডেমীৰ সমীপত এচ ০১এফ চি ৮৮৬৩ নম্বৰৰ এখন তীব্ৰবেগী মাল কঢ়িওৱা বাহন এখনে নিয়ন্ত্ৰণ হেৰুৱাই পিছপিনৰ পৰা এগৰাকী পথচাৰীক খুন্দিওৱাৰ ফলত পথৰ দাঁতিত ব্যক্তিগৰাকী চিটিকি পৰাৰ লগতে তেওঁৰ চাইকেলখন ভাঙি চূৰ্ণ হয়। দুৰ্ঘটনাত গুৰুতৰভাবে আহত লোকজন চামতাৰ কুলবিল সত্রৰ বিপুল গোস্বামী বুলি জানিব পৰা গৈছে। স্থানীয় লোকৰ তৎপৰতাত গুৰুতৰভাবে আঘাতপ্ৰাপ্ত লোকজনক চামতা সামুহিক চিকিৎসালয়ত প্রাথমিক চিকিৎসা কৰি নলবাৰীলৈ প্রেৰণ কৰে । ইতিমধ্যে চামতা পহৰা চকীয়ে গাড়ীখন জব্দ কৰাৰ লগতে চালকজনক আটক কৰিবলৈ সক্ষম হয় ৷
প্রেৰক তপন কুমাৰ শর্মা