নিয়মীয়া বাৰ্তা, ২৫ ফেব্ৰুৱাৰীঃ ‘নমস্তে ট্রাম্প’ কার্যসূচীত অংশ লৈ মার্কিন ৰাষ্ট্রপতি ড’নাল্ড ট্রাম্পে ভাংৰাকে ধৰি ভাৰতীয় সাংস্কৃতিক ঐতিহ্যৰ লগতে বলীউডৰ ছবিৰ পৰা ক্রিকেটৰ মহাতাৰকাকো ভূয়সী প্রশংসা কৰে৷ ম’টেৰা ক্রিকেট ষ্টেডিয়ামৰ লক্ষাধিক লোকৰ সন্মুখত মার্কিন ৰাষ্ট্রপতি ট্রাম্পে সমগ্র বিশ্বই বলীউডৰ ছবি চাই আনন্দ উপভোগ কৰে বুলি মন্তব্য কৰাতে ক্ষান্ত নাথাকি বলীউডৰ ছবি ‘শ্বোলে’ আৰু ‘ডিডিএলজে’ৰ প্রসংগ উল্লেখ কৰে৷তদুপৰি ক্রিকেট জগতলৈ অৱদান আগবঢ়োৱা কিংবদন্তি ক্রিকেটাৰ শচীন তেণ্ডুলকাৰৰ পৰা বর্তমান ভাৰতীয় ক্রিকেট দলৰ অধিনায়ক বিৰাট কোহলিৰ নাম উচ্চাৰণ কৰাত সমগ্র ষ্টেডিয়ামতে হর্ষোল্লাস সৃষ্টি হয়৷