নিয়মীয়া বাৰ্তা, ২৫ ফেব্ৰুৱাৰীঃ দুদিনীয়া ভ্ৰমণসূচীৰে ভাৰতলৈ অহা মাৰ্কিন ৰাষ্ট্ৰপতি ড’নাল্ড ট্ৰাম্পৰ সৈতে আজি নিশা নতুন দিল্লীৰ ৰাষ্ট্ৰপতি ভৱনত আয়োজন কৰা হৈছে নৈশভোজৰ । এই নৈশভোজতে ড’নাল্ড ট্ৰাম্প আৰু তেওঁৰ পৰিয়ালক আনুষ্ঠানিক সম্ভাষণ জনাব ভাৰত চৰকাৰে ।
ইতিমধ্যে দেশৰ বহুকেইখন ৰাজ্যৰ প্ৰতিনিধিক আমন্ত্ৰণ কৰা হৈছে এই নৈশভোজলৈ । অসমৰ মুখ্যমন্ত্ৰী সৰ্বানন্দ সোণোৱালো আমন্ত্ৰিত হৈছে ট্ৰাম্প দম্পতীৰ সৈতে এই নৈশ ভোজৰ বাবে । দিনৰ প্ৰায় ডেৰ বজাত বিমানেৰে দিল্লীলৈ উৰা মাৰিব মুখ্যমন্ত্ৰী সৰ্বানন্দ সোণোৱাল ।