বিশেষ বাৰ্তা, ১০ এপ্ৰিল : নগাঁও চহৰৰ কাষৰীয়া বেঙেনাআটি হীৰাগাঁৱত এক ৰহস্যজনক ঘটনা সংঘটিত হয়। নিশা শুই থকা অৱস্থাত পাপু হীৰা নামৰ যুৱকজনৰ বাসগৃহত সংঘটিত হয় অগ্নিকাণ্ডৰ ঘটনা । অগ্নিকাণ্ডটোত জীৱন্তে অগ্নিদগ্ধ হয় অকলশৰে বাস কৰা পাপু হীৰা। এই ঘটনা সংঘটিত হয় নিশা প্ৰায় ১ বজাত। ঘটনাৰ খবৰ পাই স্থানীয় ৰাইজে জুই নিৰ্বাপণ কৰে যদিও শুই থকা অৱস্থাতে অগ্নিদগ্ধ হৈ পৰি ৰয় পাপু হীৰাৰ মৃতদেহ। পাপু হীৰা এগৰাকী বাতৰি কাকত বিলনীয়াৰ আছিল। এই ঘটনাৰ প্ৰকৃত কাৰণ জানিব পৰা হোৱা নাই যদিও স্থানীয় ৰাইজে কোনো লোকে হত্যা কৰি জ্বলাই দিয়াৰ সন্দেহ প্ৰকাশ কৰিছে।
প্ৰেৰক কনক হাজৰিকা