নিয়মীয়া বাৰ্তা, ১৯ মে’ : সদ্যঘোষিত হাইস্কুল শিক্ষান্ত পৰীক্ষা আৰু উচ্চতৰ মাধ্যমিকৰ চূড়ান্ত পৰীক্ষাত কৃতিত্ব অৰ্জন কৰি উত্তীৰ্ণ হোৱা শিক্ষাৰ্থীসকলক সম্বৰ্ধনা জ্ঞাপন কৰে সদৌ অসম গৰিয়া-মৰিয়া-দেশী জাতীয় পৰিষদৰ কোকৰাঝাৰ জিলা সমিতিয়ে । কোকৰাঝাৰ জিলাৰ অধীনৰ ফকিৰাগ্ৰামৰ ৰাইমনা একাডেমীত সদৌ অসম গৰিয়া-মৰিয়া-দেশী জাতীয় পৰিষদে এক অনুষ্ঠান অনুষ্ঠিত কৰি ডেৰ কুৰিৰো অধিক কৃতী শিক্ষাৰ্থীক সম্বৰ্ধনা জনায় । উক্ত সম্বৰ্ধনা অনুষ্ঠানত উপস্থিত থাকে কোকৰাঝাৰ জিলা শিক্ষা বিভাগৰ আঁচনি বিষয়া জাহাংগীৰ হুছেইন, সদৌ অসম গৰিয়া-মৰিয়া-দেশী জাতীয় পৰিষদৰ মোজামেল হক, আকিনুৰ ইছলাম, আক্ৰাছুৰ শিক্ষা সম্পাদক মিন্টু বৰ্মন, অসম সাহিত্য সভাৰ কোকৰাঝাৰ জিলা উপ-সভাপতি শ্বৰীফ হাসান, অফিয়াল হক, আমছুৰ ইনছাৰ আলী, মজিবৰ মণ্ডল, ৰফিকুল ইছলাম, সাহজাহান আহমেদ ৰকিবুল ইছলাম আদি । আজিৰ অনুষ্ঠানটোৰ আঁত ধৰে জিলা সম্পাদক ৰূস্তম আলী আৰু ভাৰপ্ৰাপ্ত জিলা সভাপতি মতিনুৰ ৰহমানে । সদৌ অসম গৰিয়া-মৰিয়া-দেশী জাতীয় পৰিষদে প্ৰদান কৰা সম্বৰ্ধনা গ্ৰহণ কৰি শিক্ষাৰ্থীসকলে কৃতজ্ঞতা জ্ঞাপন কৰে ।
প্ৰেৰক কৃষ্ণ বৰ্মন