নিয়মীয়া বাৰ্তা, ৩০ মে’ : বাক্সা জিলাৰ শালবাৰী মহকুমাৰ অন্তৰ্গত আনন্দ বজাৰ (পাটলা কেম্প)ৰ এগৰাকী মহিলা বিগত তিনি দিন ধৰি নিৰুদ্দেশ হৈ থকা ঘটনাই চাঞ্চল্য সৃষ্টি কৰিছে সমগ্ৰ অঞ্চলটোত। মঙলবাৰৰ পৰা সন্ধানহীন নৰেন সিংহৰ পত্নী কবিতা সিংহৰ। দুই বছৰীয়া সন্তানৰ মাতৃ কবিতা সিংহ সন্ধানহীন হোৱাৰ পিছৰে পৰা হাহাকাৰ লাগিছে পৰিয়ালত। নিৰুদ্দিষ্ট কবিতা সিংহৰ স্বামী বহিঃৰাজ্য কেৰালাত কৰ্মৰত। মঙলবাৰে বজাৰত সামগ্ৰী ক্ৰয় কৰিম বুলি গৈ সন্ধানহীন হৈ পৰে মহিলাগৰাকী। পৰিয়ালৰ লোকে আত্মীয়-কুটুমকে ধৰি বিভিন্ন প্ৰান্তত বিচাৰ-খোঁচাৰ কৰিও সম্ভেদ লাভ কৰা নাই মহিলাগৰাকীৰ। পৰিয়ালৰ লোকে মহিলাগৰাকী কোনো দুষ্টচক্ৰৰ কবলত পৰাৰ সন্দেহ প্ৰকাশ কৰি অসম আৰক্ষীৰ সহায় বিচাৰে। ইতিমধ্যে আনন্দ বজাৰ আৰক্ষী চকীত এজাহাৰ দাখিল কৰিছে পৰিয়ালৰ লোকে। কোনোৱে মহিলাগৰাকীৰ সম্ভেদ পালে ৯০৩৭৪-৬২৪২৬ নম্বৰত যোগাযোগৰ আহ্বান জনাইছে পৰিয়ালৰ লোকে।
প্ৰেৰক লৱ কুমাৰ দাস