🔹 কাছাৰত শোকাৱহ ঘটনা, এজন সন্ধানহীন
নিয়মীয়া বাৰ্তা, ৩ জুন : কাছাৰ জিলাৰ সোণাইৰ কাপ্তানপুৰত ১৬ ব্লকত বানপানীৰ মাজত মোবাইলত ৰীল বনাবলৈ গৈ এজন কিশোৰৰ পানীত ডুবি শোকাৱহভাৱে মৃত্যু হয়। লগতে আন এজন কিশোৰ সন্ধানহীন হয়। দেওবাৰে বিয়লি সংঘটিত হয় এই কৰুণ ঘটনা। স্থানীয় ৰাইজে জনোৱা মতে, মুঠ চাৰিজন কিশোৰে ৰীল বনাবলৈ গৈ বানপানীত মাজত পৰি যায়। ইয়াৰে দুজনক সুস্থ অৱস্থাত উদ্ধাৰ কৰা হয়। ঘটনাৰ কেইমিনিটমান পিছতে উদ্ধাৰ হয় এজন কিশোৰৰ মৃতদেহ। স্থানীয় লোকে উদ্ধাৰ কৰে মৃতদেহটো। আন এজন কিশোৰ সন্ধানহীন হৈ আছে। উদ্ধাৰকাৰী দলে বানপানীত অভিযান চলাইছে সন্ধানহীন কিশোৰজনক উদ্ধাৰৰ বাবে। জানিব পৰা মতে, মৃত কিশোৰজনৰ নাম সুৰজ ৰবিদাস (১৭) আৰু সন্ধানহীন কিশোৰজনৰ নাম ৰিপন ৰবিদাস (১৮) ।
প্ৰেৰক গৌতম তালুকদাৰ