নিয়মীয়া বাৰ্তা, ৩ জুন : কাছাৰ জিলাৰ উধাৰবন্দ সমষ্টিৰ কাশীপুৰৰ বৰাক নদীৰ পৰা উদ্ধাৰ হয় ৬৩ বছৰীয়া এগৰাকী বৃদ্ধৰ মৃতদেহ। কাশীপুৰৰ বাগান পথত সংঘটিত হৈছে এই চাঞ্চল্যকৰ ঘটনা। মৃত বৃদ্ধাগৰাকীৰ নাম ছোটলাল ৰবিদাস। কালি সন্ধিয়াৰ পৰা সন্ধানহীন হৈ আছিল তেওঁ। আজি পুৱা ঘৰৰ সমীপৰ বৰাক নৈৰ পৰা উদ্ধাৰ কৰে বৃদ্ধজনৰ মৃতদেহ। স্থানীয় ৰাইজে বৰাক নদীত মৃতদেহ উদ্ধাৰ কৰি আৰক্ষীক খবৰ দিয়ে। আৰক্ষীয়ে খবৰ পাই ঘটনাস্থলীত উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে শিলচৰ মেডিকেল কলেজ হাস্পতাললৈ প্ৰেৰণ কৰে। এই ঘটনাত এলেকাটোত তীব্ৰ চাঞ্চল্য বিয়পি পৰিছে।
প্ৰেৰক গৌতম তালুকদাৰ