নিয়মীয়া বাৰ্তা, ১৪ জুলাই : মণিপুৰৰ জিৰিবামত অগ্নিগৰ্ভা পৰিস্থিতি কোনো অৱস্থাতে নিয়ন্ত্ৰিত হোৱা নাই। দেওবাৰে পুৱা জিৰিবামৰ মৰবুং আৰু ছেজাং পুঞ্জীত দুষ্কৃতিকাৰীৰ সৈতে হোৱা গুলীচালনাত এজন চি আৰ পি এফ জোৱান নিহত হয় । জোৱানজনৰ নাম অজয় কুমাৰ ঝা (৪৮)। ঘৰ বিহাৰত । পুৱা প্ৰায় দুঘণ্টা ধৰি নিৰাপত্তা বাহিনী আৰু কুকি উগ্ৰপন্থীৰ মাজত গুলীচালনা সংঘটিত হয় । এই ঘটনাত এজন নিহত আৰু দুজন আহত হয়। জিৰিবামত অশান্তিময় পৰিস্থিতি অব্যাহত আছে। এই গুলীচালনাৰ ঘটনাত জিৰিবামত আতংকময় পৰিৱেশৰ সৃষ্টি হৈছে ।
প্ৰেৰক গৌতম তালুকদাৰ