মালিগাঁৱত গছত বান্ধি এজনক প্রহাৰ ৪ ভূ–মাফিয়াৰ

নিয়মীয়া বাৰ্তা ৯ মাৰ্চঃ মালিগাঁৱৰ কল্যাণ নগৰত যোৱানিশা চাৰিজনীয়া দুর্বৃত্তৰ দলে প্রেমলাল কেওট নামৰ এজন লোকক পিষ্টল দেখুৱাই প্রাণে মৰাৰ ভাবুকি দিয়ে৷ দুর্বৃত্তৰ দলটোৱে প্রাণে মৰাৰ ভাবুকি দিয়াৰ লগতে মাৰপিট কৰি প্রেমলাল কেওটৰ পৰা উকা দলিলত চহী কৰায়৷ ইয়াৰ পিছতে প্রেমলাল কেওটক গছত বান্ধি শৰীৰৰ বিভিন্ন অংশত ছুৰীৰে আঘাত কৰে৷ ইয়াৰ পিছতে দুর্বৃত্তর দলটোৱে প্রেমলাল কেওটক চোতালত পেলাই থৈ পলায়ন কৰে৷ ঘটনা সন্দর্ভত ভুক্তভোগী প্রেমলালে জোন লস্কৰ, হিতেশ বর্মন, কনক বড়োকে ধৰি চাৰিজন দুর্বৃত্তৰ বিৰুদ্ধে জালুকবাৰী থানাত এজাহাৰ দাখিল কৰে৷ ভূ–মাফিয়াৰ দলটোৱে প্রেমলাল কেওটৰ ভূমি হস্তগত কৰাৰ বাবে এই কার্য সংঘটিত কৰা বুলি অভিযোগ কৰিছে৷