নিয়মীয়া বাৰ্তা, ১৪ মাৰ্চঃ ওদালগুৰিৰ টংলা নাচনশালীত নিশা এক ভয়ংকৰ পথ দুৰ্ঘটনা সংঘটিত হয় । বিয়াৰ আঠমঙলা খাই উভতি অহা ডি আই বাহন এখনে নিয়ন্ত্ৰণ হেৰুৱাই গছত খুন্দিওৱাৰ ফলত ৫ জন লোক নিহত হোৱাৰ লগতে আহত হয় ২৬ জনকৈ লোক ।
উল্লেখ্য যে, জিলাখনৰ টংলাৰ কইনা ঘৰৰ পৰা ঘূৰি আহোঁতে সংঘটিত হয় এই দুৰ্ঘটনাটো । দুৰ্ঘটনাৰ পাচতে থিতাতে মনিৰাম বড়ো নামৰ এজন লোকৰ মৃত্যু হয় । টংলা হাস্পতাললৈ নি থকা অৱস্থাত দুজন আৰু মঙলদৈ অসামৰিক চিকিৎসালয়লৈ নি থকা অৱস্থাতেই দুজনৰ মৃত্যু হয় । আহত সকলক ততাতৈয়াকৈ চিকিৎসালয়ত ভৰ্তি কৰোৱা হয় ।