নিয়মীয়া বার্তা, ১৯ মার্চঃ উচ্চতম ন্যায়ালয়ৰ অৱসৰপ্ৰাপ্ত মুখ্য ন্যায়াধীশ ৰঞ্জন গগৈক ৰাজ্যসভালৈ মনোনীত কৰাক লৈ ব্যাপক প্ৰতিক্ৰিয়াৰ সৃষ্টি হোৱাৰ মাজতে আজি পুৱা ১১ বজাত সাংসদৰূপে শপতগ্ৰহণ কৰে ৰঞ্জন গগৈয়ে ।
উল্লেখ্য যে ৰাজ্যসভাৰ এগৰাকী মনোনীত সদস্যই অৱসৰ গ্রহণ কৰাৰ বাবে সেই খালী ঠাই পূৰণ কৰিবলৈ ৰাষ্ট্রপতিয়ে মুখ্য ন্যায়াধীশ গগৈক ৰাজ্যসভালৈ মনোনীত কৰি সন্তুষ্টি ব্যক্ত কৰিছিল ৷
আইনক পেছা হিচাপে লোৱা গগৈয়ে গুৱাহাটী উচ্চ ন্যায়ালয়ৰ অধিবক্তা হিচাপে নিজৰ কেৰিয়াৰ আৰম্ভ কৰি পাছলৈ বিচাৰপতি হৈ শেষত উচ্চতম ন্যায়ালয়ৰ মুখ্য ন্যায়াধীশ হিচাপে সেৱা আগবঢ়াই অসমবাসীক গৌৰৱান্বিত কৰিছে ৷