নিয়মীয়া বাৰ্তা, ২১ এপ্রিলঃ মাৰাত্মক ক’ভিড–১৯ বা ক’ৰোনা ভাইৰাছ মহামাৰীত আক্রান্ত ব্রিটেইনৰ চিকিৎসক আৰু নার্ছসকলে ক’ৰোনা ৰোগীলৈ চিকিৎসা সেৱা আগনবঢ়োৱাৰ হুংকাৰ দিছে৷ চিকিৎসক তথা নার্ছসকলৰ জীৱন ৰক্ষাৰ বাবে প্রয়োজনীয় সামগ্রীৰ নাটনি হৈছে ব্রিটেইনত ৷ জীৱনদায়ী এই সুৰক্ষা সামগ্রীবোৰৰ নাটনিয়ে ক্রমাৎ জটিল ৰূপ ধাৰণ কৰিছে দেশখনত ৷ স্মর্তব্য যে এতিয়ালৈকে দেশখনত ক’ৰোনা ৰোগীক চিকিৎসা সেৱা আগবঢ়োৱা ৮০গৰাকী চিকিৎসক তথা নার্ছে প্রাণ হেৰুৱাবলগা হৈছে৷ গতিকে দেশখনৰ এই জটিল মুহূর্তত স্বাস্থ্যকর্মীসকলে নিজৰ জীৱন ৰক্ষা কৰিবলৈ ক’ৰোনা ৰোগীৰ চিকিৎসাৰ পৰা আঁতৰি থাকিব বুলি হুংকাৰ দিয়াৰ লগে লগে সৃষ্টি হৈছে নতুন আশংকা ৷ স্মর্তব্য যে তুৰস্কৰ পৰা চাৰি লাখ স্বাস্থ্যকর্মীয়ে পৰিধান কৰিবলগা পোছাক এতিয়াও ব্রিটেইন আহি পোৱা নাই৷ গতিকে হাস্পতালবোৰত চিকিৎসকসকলে তীব্র ক্ষোভ প্রকাশ কৰিছে ৷