নিয়মীয়া বাৰ্তা, ২৬ এপ্ৰিল: শিৱসাগৰ জিলাৰ নিতাইপুখুৰীৰ কোঁৱৰগাঁৱৰ গড়কাপ্টানী বিভাগৰ পৰিদর্শন বাংলোৰ সন্মুখতে পিতৃ পদ্মকান্তৰ সমাধিৰ কাষতে প্রাক্তন ৰাজ্যপাল তথা মন্ত্রীগৰাকীক ৰাজ্যিক মর্যাদাৰে অন্ত্যেষ্টিক্রিয়া সম্পন্ন কৰিবৰ বাবে ইতিমধ্যে প্রস্তুতি সম্পন্ন কৰি তুলিছে শিৱসাগৰ জিলা প্রশাসনে৷
শনিবাৰে শিৱসাগৰ জিলা উপায়ুক্ত লক্ষীনন্দন গগৈ, থাওৰা সমষ্টিৰ বিধায়ক কুশল দুৱৰী, ডিমৌ ৰাজহ চক্র বিষয়া ইন্দিকা গগৈ প্রাক্তন মন্ত্রীগৰাকীৰ বাসগৃহত উপস্থিত হৈ মন্ত্রীগৰাকীৰ অন্ত্যেষ্টিক্রিয়া সম্পন্নস্থলী পৰিদর্শন কৰাৰ লগতে শোকসন্তপ্ত পৰিয়ালবর্গক সমবেদনা জ্ঞাপন কৰে৷ বর্ষীয়ান ৰাজনীতিকগৰাকীৰ মৃতদেহ নিশা গুৱাহাটীৰ পৰা স্ব–গৃহলৈ অনা হয়৷ আজি তেওঁৰ অন্ত্যেষ্টিক্রিয়া সম্পন্ন হ’ব৷