নিয়মীয়া বাৰ্তা, ২৮ এপ্ৰিলঃ মহানগৰীৰ জালুকবাৰী থানাৰ অন্তর্গত আদাবাৰী তিনিআলিত এক অগ্নিকাণ্ডৰ ঘটনা সংঘটিত হয়৷ জানিব পৰা মতে, তিনিআলিত বন্ধ হৈ থকা গুপ্তা গেৰেজত হঠাতে জুইৰ সূত্রপাত হয়৷ জুইৰ লেলিহান শিখাই মুহূর্ততে গেৰেজ আৰু গেৰেজ সংলগ্ন গুদামৰ ঘৰটো আৱৰি ধৰে৷ পিছত ঘটনাস্থলীত উপস্থিত হৈ পাণ্ডু অগ্নির্বাপক বাহিনীৰ দুখন বাহনে প্রায় এঘণ্টা পিছত জুই নির্বাপণ কৰিবলৈ সক্ষম হয়৷ অগ্নিকাণ্ডৰ ফলত গেৰেজটোত থকা দুখন স্কুটী আৰু গুদাম ঘৰৰ বহু সা–সামগ্রী ভস্মীভূত হয়৷ অগ্নিকাণ্ডৰ প্রকৃত কাৰণ জানিব পৰা হোৱা নাই যদিও শ্বর্ট শ্বার্কিটৰ ফলতে সংঘটিত হোৱা বুলি সন্দেহ কৰা হৈছে৷