অভিনেত্রী ঐশ্বর্যৰ আলোকচিত্র ছ’চিয়েল মিডিয়াত প’ষ্ট

নিয়মীয়া বাৰ্তা ২০ জুলাইঃ ডব্লিউডব্লিউই ষ্টাৰ ৰেছলাৰ জন চেনাই ছ’চিয়েল মিডিয়াত বলীউডৰ অভিনেত্রী ঐশ্বর্য ৰায় বচ্চনৰ আলোকচিত্র প’ষ্ট কৰা ঘটনাক লৈ বিশ্বজুৰি সৃষ্টি হৈছে চাঞ্চল্য৷ অৱশ্যে এই আলোকচিত্র প’ষ্ট কৰিছে যদিও কোনো ধৰণৰ কেপচন দিয়া নাই ৰেছলাৰগৰাকীয়ে৷ ইয়াৰ পূর্বে ক’ভিড–১৯ত আক্রান্ত হোৱা অমিতাভ বচ্চন আৰু তেওঁৰ অভিনেতা পুত্র অভিষেকৰো আলোকচিত্র শ্বেয়াৰ কৰিছিল জন চেনাই৷ স্মর্তব্য যে ঐশ্বর্য ৰায় বচ্চনো মাৰাত্মক ক’ভিড–১৯ত আক্রান্ত হৈছে৷ কালি মুম্বাইৰ নানাৱতী হাস্পতালত ৯ বছৰীয়া কন্যা আৰাধ্যাৰ সৈতে ঐশ্বর্য ৰায় বচ্চনক ভর্তি কৰোৱা হৈছে৷ ইয়াৰ পূর্বে মাতৃ–কন্যা হোম কোৱাৰেণ্টাইনত আছিল৷ লক্ষণীয়ভাৱে বচ্চন পৰিয়ালৰ চাৰিগৰাকীকৈ সদস্য বর্তমান নানাৱতী হাস্পতালত চিকিৎসাধীন হৈ আছে৷