নিয়মীয়া বাৰ্তা ১৭ আগষ্টঃ গুৱাহাটী প্রেছ ক্লাৱত অনুষুটপীয়াকৈ স্বাধীনতা দিৱস উদ্যাপন কৰা হয়৷ ক্লাবৰ সভাপতি মনোজ কুমাৰ নাথে পতাকা উত্তোলন কৰাৰ পাছতেই সাংবাদিক, সংবাদকর্মীসকলৰ মাজত আয়োজন কৰা চিত্রাংকন প্রতিযোগিতাৰ বিজয়ীসকলক বঁটা প্রদান কৰা হয়৷ চিত্রাংকন প্রতিযোগিতাত প্রথম স্থান লাভ কৰে ‘প্রতিদিন টাইম’ৰ জ্যেষ্ঠ সাংবাদিক গালিবুৰ ৰহমানে, দ্বিতীয় ‘নিয়মীয়া বার্তা’ৰ জ্যেষ্ঠ কার্টুনিষ্ট উৎপলবৰাই আৰু তৃতীয় পুৰস্কাৰ লাভ কৰে সংবাদ লাইভৰ কেমেৰা পার্ছন সঞ্জয় দাসে৷ ক্লাবৰ সম্পাদক সঞ্জয় ৰায়ে অনুষ্ঠানত চমু বক্তব্য আগবঢ়ায়৷ অনুষ্ঠানত হুমায়ুন চৌধুৰীৰ সামগ্রিক পৰিচালনাৰে সাংবাদিক অনুপমা ডেকা, নূপুৰ বৰুৱা, দীপাঞ্জলি ডেকা, দেৱপ্রতীম বৰুৱা, অংশুমণি নাথ, ধীৰাজ ডেকা, মনোজ ডেকা, নীলকান্ত সিনহাই সমৱেত সংগীত পৰিৱেশন কৰে৷ মচফিকা আহমেদে আঁত ধৰা অনুষ্ঠানত গুৱাহাটী প্রেছ ক্লাবৰ ক্রীডা সম্পাদক ধীৰাজ হাজৰিকাৰ লগতে অন্যান্য সদস্যসকল উপস্থিত থাকে৷