নিয়মীয়া বাৰ্তা ১৮ আগষ্টঃ কা’ৰ বিৰোধিতাৰে উত্তাল বিজনী। চিৰাং জিলাৰ বিজনী আঞ্চলিক ছাত্র সন্থাৰ উদ্যোগত কা’ৰ বিৰোধিতাৰে ছাত্র-কৰ্মী সকলে ২ ঘণ্টীয়া বিক্ষোভ কাৰ্যসূচী ৰূপায়ণ কৰি উত্তাল কৰি তুলিলে প্ৰতিবাদস্থলি। পুৱা ১০ বজাৰ পৰা দুপৰীয়া ১২ বজালৈ অনুষ্ঠিত বিক্ষোভ কাৰ্যসূচীত সংগঠনটোৱে কা’ আমি নামানো, কা’ বাতিল কৰিবই লাগিব, বিজেপি চৰকাৰ হায় হায় আদি শ্লোগানেৰে উত্তাল কৰি তোলে প্ৰতিবাদস্থলি। বিজনী আঞ্চলিক ছাত্র সন্থাৰ কাৰ্যালয়ত অনুষ্ঠিত বিক্ষোভ কাৰ্যসূচীত আছুৰ লগতে সূত্ৰধৰ যুৱ ছাত্র সন্থাৰ চিৰাং জিলা কমিটিৰ নেতা-কৰ্মীয়েও অংশগ্ৰহণ কৰে।