নিয়মীয়া বার্তা, ৩০ আগষ্টঃ তিনিচুকীয়া জিলাৰ ডিগবৈ বনসংমণ্ডলৰ অধিনৰ মাৰ্ঘেৰিটা চিমা পথাৰত বন্যহস্তীৰ কৰুণ মৃত্যু। দীৰ্ঘদিনে চিমা পথাৰ অঞ্চলত বন্যহস্তীয়ে সন্ত্ৰাস চলাই আহিছিল যদিও নিশা বন্যহস্তীৰ এটা ৩ জনীয়া দলে খাদ্য সন্ধানত ২নং মাকুম পথাৰ অঞ্চলৰ চিমা পথাৰ এলেকাত আহিছিল আৰু এটা মখনা হাতী আজি পুৱা এজন লোকে গৰু এৰাল দিবলৈ যাওঁতে মৃত্যু অৱাস্থাত প্ৰত্যক্ষ কৰি স্থানীয় ৰাইজক খবৰ দিয়াত লোকে লোকাৰণ্য হৈ পৰে । একাংশ ৰাইজৰ সন্ধেহ খাদ্য সন্ধাত অহা বন্যহস্তটোক কোনো লোকে বিজুলী তাঁৰ পুতি হত্যা কৰিলে। ঘটনাস্থলীত বন বিভাগৰ লোক উপস্থিত হৈ অনুসন্ধান আৰম্ভ কৰিছে। এইদৰে এটা প্ৰকাণ্ড মখনা হাতীৰ মৃত্যুৱে সমগ্ৰ অঞ্চলটোত চাঞ্চল্যৰ সৃষ্টি কৰিছে।