নিয়মীয়া বাৰ্তা ৩১ আগষ্টঃ গুৱাহাটী ক্লাবত শনিবাৰে নিশা সংঘটিত হয় এক ভয়াৱহ পথ দুর্ঘটনা৷ উলুবাৰীৰ পৰা বি বৰুৱা পথেৰে গুৱাহাটী ক্লাবৰ দিশেৰে আহি থকা এ এছ–০১ বি এম–৩০৩২ নম্বৰৰ বাহনখনে নিয়ন্ত্রণ হেৰুওৱাত উলুবাৰীৰ উৰণীয়া সেতুৰ ৰেলিঙত খুন্দিয়াই তললৈ সৰি পৰে৷ নিশা প্রায় ১১.৩০ বজাত সংঘটিত এই দুর্ঘটনাত বাহনখনৰ দুই আৰোহী সৌভাগ্যক্রমে ৰক্ষা পৰে৷ দুর্ঘটনাটোত বাহনখনৰ বিস্তৰ ক্ষতিসাধন হয়৷