নিয়মীয়া বাৰ্তা ৩১ আগষ্টঃ জাপৰিগোগত এগৰাকী সাত বছৰীয়া শিশুক দীর্ঘদিন ধৰি এটা লম্পটে যৌন নির্যাতন চলাই অহা ঘটনা পোহৰলৈ আহিছে৷ জাপৰিগোগৰ শিৱচৰণ মহন্ত নামৰ ৫০ বছৰীয়া লম্পটটোৱে শিশুটিক মৃত্যুৰ ভাবুকি দি যৌন নির্যাতন চলাই আহিছিল৷ কালি শিশুটিয়ে এই কথা পৰিয়ালৰ লোকক অৱগত কৰায়৷ ইয়াৰ পিছতে স্থানীয় ৰাইজে লম্পট শিৱচৰণক আটক কৰি লাইটৰ খুঁটাত বান্ধি উত্তম–মধ্যম শোধাই আৰক্ষীক গতাই দিয়ে৷ দিছপুৰ আৰক্ষয়ে লম্পট শিৱচৰণক গ্রেপ্তাৰ কৰি আজি জেল হাজোতলৈ প্রেৰণ কৰে৷